Einn í fangelsi og annar á sjúkrahús eftir asnakjálkalæti

Tvítugur Bandaríkjamaður endaði á sjúkrahúsi þegar hann reyndi að leika eftir atriði úr annarri kvikmynd Jackass-félaganna og kveikti í kynfærum sínum. Vinur mannsins, 44 ára, var hins vegar hnepptur í varðhald og hefur nú verið ákærður fyrir líkamsmeiðingar og að stefna lífi manns í hættu. Á hann yfir höfði sér allt að 10 ára fangelsi.

Þeir Jared W. Anderson og Randell D. Peterson, sem búa í Wisconsin, höfðu nýverið horft á kvikmyndina Jackass 2 en í þeirri mynd kveikja leikararnir m.a. hver í öðrum. Félagarnir, sem voru nokkuð við skál, ákváðu að prófa þessa kjánatilraun. Peterson úðaði kveikjarabensíni á Anderson og kveikti í. Anderson hljóp síðan logandi inn á baðherbergi og slökkti í sér í baðkarinu. Hann var síðan fluttur á sjúkrahús með annars stigs brunasár.

Anderson sagði lögreglumönnum að hann vildi alls ekki að neinn lenti í vandræðum út af uppátækinu. Peterson var sleppt gegn 2.000 dollara tryggingu. Réttað verður í máli hans 16. apríl en hann á yfir höfði sér 10 ára fangelsi, verði hann fundinn sekur.

• 1 blogg um fréttina

Bloggað um fréttina

• Svava frá Strandbergi : Asnakjálkinn Anderson í Amríkunni