Sýnendur á listakaupstefnunni Gulf Art Fair í Dubai hafa vinsamlegast verið beðnir um að sýna ekki list sem felur í sér nekt og trúarlegar ímyndir. Skipuleggjendur stefnunnar hafa farið þessa á leit við listhús og gallerí sem sýna verk listamanna sinna á kaupstefnunni, en meðal þeirra eru heimsþekkt listhús á við White Cube í Lundúnum.
Skýring sýningarstjórans er sú að hvorki nekt né trúarlegar tilvísanir og tákn í listum séu við hæfi á sýningu í múslímaríki. Guardian segir frá þessu.