Mamma rekin

Popparinn Usher hefur rekið mömmu sína úr starfi framkæmdastjóra síns, og herma fregnir að kærastan hans, Tameka Foster, hafi lagt hart að honum að láta mömmuna fara þar sem þær kunni ekki sérlega vel við hvor aðra. Sjálfur sagði Usher þetta fínt þar sem nú væri mamma hans bara mamma hans.

Fyrir skömmu bárust þær fréttir að Tameka kynni að taka við framkvæmdastjórastöðunni hjá Usher. Ónafngreindur heimildamaður segir hana hafa „tök á honum“ sem enginn botni í, og vel megi búast við að hann geri hana að framkvæmdastjóranum sínum.

En ráðamenn hjá Jive-útgáfufyrirtækinu munu hafa af því nokkrar áhyggjur að Usher hafi rekið mömmuna, því þeim þyki hún hafa náð ótrúlegum árangri við að móta feril sonarins.

• 1 blogg um fréttina

Bloggað um fréttina

• Þorsteinn Gunnarsson: Hvers virði er að eiga peninga ef...