Dónalegt tónlistarmyndband með söngvaranum Justin Timberlake í aðalhlutverki, sem var gert fyrir bandaríska gamanþáttinn Saturday Night Live, hefur unnið Emmy-verðlauna (Creative Arts Emmy).
Lagið fjallar í sem stystu máli um að kynfærum karla sé pakkað í gjafaöskjur og þau gefin sem jólagjöf. Myndbandið hlaut verðlaunin fyrir besta frumsamda lagið og texta.
Timberlake lék á móti gamanleikaranum Andy Samberg í myndbandinu.
Myndbandið, sem heitir á ensku Dick in a Box, var frumsýnt sl. desember. Í því sjást Timberlake og Samberg syngja í New York með gjafaöskjur yfir því allra heilagasta.