Engin nýársveisla hjá Glitni

Glitnir banki heldur ekki nýársveislu að þessu sinni, líkt og hann hefur gert undanfarin tvö ár þar sem helstu stjórnendum, viðskiptamönnum og velunnurum bankans hefur verið boðið. Hefur engu verið sparað til í mat og drykk.

Veislan hefur verið haldin í tengslum við afhendingu styrkja úr Menningarsjóði Glitnis. Að sögn Völu Pálsdóttur upplýsingafulltrúa verða styrkirnir að þessu sinni afhentir með öðrum hætti en ákvörðun ekki verið tekin hvenær og hvernig það fer fram. Menningarsjóður muni halda áfram að styrkja listir og menningu, enda starf sjóðsins verið farsælt og mælst vel fyrir.