Kvikmyndahátíðin í Berlín hófst með Rolling Stones

Kvikmyndahátíðin í Berlín hófst í gærkvöldi með frumsýningu myndarinnar Shine a Light, sem bandaríski leikstjórinn Martin Scorsese gerði um tónleika bresku rokkhljómsveitarinnar Rolling Stones. Hljómsveitin og leikstjórinn ræddu við fréttamenn áður en myndin var sýnd en hún var tekin í Beacon leikhúsinu í New York, sem tekur 2800 manns í sæti.

Mick Jagger, söngvari Rolling Stones, sagði að hefðu þeir mátt ráða hefði myndin verið tekin á strönd í Rio de Janiero en Scorsese hefði ekki haft áhuga á því.

Scorsese sagðist hafa viljað gera mynd um samspil áheyrenda og  félaganna í hljómsveitinni. Hann hefur fylgst með Rolling Stones í fjóra áratugi en sá þá fyrst á svipi í byrjun áttunda áratugarins.

• 2 blogg um fréttina

Bloggað um fréttina

• Ólaf de Fleur Jóhannesson: Mikið rétt
• Viggó H. Viggósson: Rolling Stones í nýjum raunveruleikaþætti Scorsese!