Of gömul í kynlífssenur
Setja bókamerki
Catherine Zeta-Jones segist vera orðin of gömul til að leika í kynlífssenum. Hin 38 ára gamla leikaraskvísa segist ekki geta keppt við ungviðið í Hollywood um kynæsandi rullur lengur.
Zeta-Jones, sem á tvö börn með 63 ára gömlum eiginmanni sínum Michael Douglas, telur þetta vera rökrétta þróun og er bara sátt við að leika frekar mömmur í framtíðinni og ekki kynbombur. „Ég er bara orðin of gömul til að leika ungar persónur“ segir hún.
Þrátt fyrir að vera ein helsta kvikmyndastjarna heimsins telur Zeta-Jones sig ekki vera frábæra leikkonu. „Ég er sennilega ekki besti leikarinn í heimi en ég hef ákveðna eiginleika sem henta mér vel á skjánum og einnig á sviði“ sagði Óskarsverðlaunahafinn.
Fyrir utan leiklistina hefur Zeta-Jones mikinn áhuga á golfi en hún játar að finna fyrir mikilli pressu í hvert skipti sem eiginmaður hennar spilar með. „Þegar Michael heldur golfmót fyrir fræga fólkið er gefið mál að leikur minn fer til fjandans“ var haft eftir leikkonunni.
Fordæmir leyndarhyggju í skólamálum
Húsnæðisstuðningur framlengdur til áramóta
14 til 17 milljarða kr. tap vegna skerðinga
„Trúlega rákumst við saman“
„Bíð bara eftir að það fari að gjósa aftur“
Mennirnir í haldi lögreglunnar á Suðurnesjum