Beckham hjónin eru hlynnt tilraunastarfsemi AP

David og Viktoría Beckham birgðu sig upp af alls kyns dóti í kynlífsbúð í Hollywood síðustu helgi.  

Hjónin heimsóttu verslunina Pleasure Chest og festu þau kaup á ýmsum hlutum, þ.á.m. leðursvipu og fóðraðri hundaól. „Þau gengu um, héldust í hendur og David hélt á litlum innkaupapoka. Þau virtust vita nákvæmlega hvað þau vildu og báðu afgreiðslumann að benda þeim á hvar ákveðnir hlutir væru geymdir í búðinni“, greindi heimildarmaður frá.

En svefnherbergið er ekki eini staðurinn þar sem tilraunastarfsemi fer fram. David hefur beðið vin sinn, hinn aldræmda kokk Gordon Ramsey, um ráðleggingar um hvernig hann geti gengið í augu konu sinnar í eldhúsinu. „David er mikill sælkeri og Viktoría einnig. Ég held að hann gæti verið fínn í eldhúsinu og ég myndi ekki hika við að rétta honum hjálparhönd“, sagði Ramsey.