Stone gerir mynd um Bush
Setja bókamerki
Kvikmyndaleikstjórinn umdeildi, Oliver Stone, vinnur að kvikmynd um George W. Bush Bandaríkjaforseta og vonar að hún verði tilbúinn áður en Bush lætur af embætti í janúar á næsta ári. Þetta er þriðja kvikmynd Stones um forseta Bandaríkjanna, áður hefur hann gert myndir um Richard Nixon og John F. Kennedy – Nixon og JFK. Þetta kemjur fram á vef bresku Sky fréttastöðvarinnar.
Stone hefur gagnrýnt Íraksstríðið mjög en þrátt fyrir það segir leikstjórinn, sem sjálfur var hermaður í Víetnam á sínum tíma, að myndin – sem heita mun W – verði ekki ádeilumynd á Bush heldur sanngjörn umfjöllun um manninn.
Heimildir Sky herma að upptökur hefjist síðari hluta aprílmánaðar í Shreveport í Louisiana. Sögusagnir eru á kreiki um að það verði Josh Brolin sem fari með hlutverk forsetans, en Brolin lék nýverið annan Texasbúa í No Country For Old Man. Þá er talið að Elisabet Banks, sem lék í The 40 Year-Old Virgin, leiki Lauru Bush, forsetafrú.
Kemur ekki til greina að semja við ESB
Kostnaðurinn nemur allt að þremur milljörðum
„Trúlega rákumst við saman“
„Hann var lokaður inni í bátnum“
Tímaspursmál hvenær framleiðslu verði hætt
Myndskeið: Hátt í 140 lömb á tveimur sólarhringum
Um 70 jarðskjálftar í kvikuganginum
Fannari líst ágætlega á aðgerðirnar