Moskvufarar komnir
Setja bókamerki
Íslenski Evróvisjónhópurinn kom til landsins um klukkan 15 í dag með flugvél frá Kaupmannahöfn en þangað flaug hópurinn frá Moskvu. Katrín Jakobsdóttir, menntamálaráðherra, og Páll Magnússon, útvarpsstjóri, tóku á móti fólkinu í Leifsstöð.
Slökkviliðið á Keflavíkurflugvelli sprautaði vatni úr slöngum yfir flugvélina, sem hópurinn kom með, til að bjóða Moskvufarana velkomna heim.
Reykvíkingum gefst síðdegis í dag tækifæri til að taka á móti Jóhönnu Guðrúnu Jónsdóttur og öðrum í íslenska hópnum á Austurvelli á sérstökum fagnaðarfundi sem Reykjavíkurborg og RÚV halda í tilefni velgengni íslenska hópsins í Evrópusöngvakeppninni. Sjónvarpað verður beint frá athöfninni.
Að sögn Þórhalls Gunnarssonar dagskrárstjóra mun Páll Óskar halda uppi fjörinu og byrjar hann að hita upp nokkru áður en útsendingin hefst kl. 17:30. Hvetur Þórhallur sem flesta til að mæta í góða veðrinu. Gert er ráð fyrir að íslenski Evróvisjónhópurinn stígi á svið um kl. 18.
Mennirnir í haldi lögreglunnar á Suðurnesjum
„Bíð bara eftir að það fari að gjósa aftur“
Fannari líst ágætlega á aðgerðirnar
Um 70 jarðskjálftar í kvikuganginum
Veita fyrirtækjum brú yfir óvissutímabil
Þakklátur Kínverjum fyrir friðarumleitanir
Kostnaðurinn nemur allt að þremur milljörðum