Stigatöflur fyrir Eurovision
Setja bókamerki
Hvaða lag í forkeppni Eurovision í kvöld fær aulahrollsstigin þín? Nú eða „besti vinur aðal-stigin“? Mbl.is hefur útbúið fjörlegar stigatöflur fyrir keppni kvöldsins, bæði fyrir börn og fullorðna. Hér að neðan eru þær í prentvænu formi.
Í forkeppni kvöldsins munu strákarnir í Pollapönk stíga á svið. Þeir eru fimmtu í röðinni á sviðið. En þeir eru ekki eina skemmtilega atriðið í þessari fyrri forkeppni. Að venju er keppnin fjölbreytt og alveg bráðnauðsynlegt að fara óhefðbundnar leiðir í stigagjöfinni.
Hver fer t.d. óhefðbundnustu leiðirnar í fatavali? Hver notar mest af „staðalbúnaði“, s.s. reyk, vindi og sprengingum? Hverjir eru mestu hermikrákurnar?
Allt þetta og miklu, miklu fleira er meðal þess sem þú getur gefið stig á stigatöflu mbl.is.
Það er Elín Esther Magnúsdóttir, grafíkmeistari mbl.is, sem hefur útbúið töflurnar. Tvær töflur eru í boði í ár - bæði fyrir börn og fullorðna. Útsending RÚV frá fyrri forkeppninni hefst kl. 19 í kvöld.
Prentaðu út - skráðu stigin - og njóttu kvöldsins!
Haustbragur í maí: Snjókoma fyrir norðan
Ráðist á ferðamenn: „Það var blóð alls staðar“
Óljóst hvort þyrlan sé fundin
Þyrla forsetans lenti í „slysi“
Gæsluvarðhald yfir Davíð framlengt
Alþjóðlegi sakamáladómstóllinn vill handtaka Netanjahú
Eldvörpin byrjuð að gefa eftir