Leikkonan Anna Kendrick kveðst reyna að vera jákvæð og líta á björtu hliðarnar eftir að nektarmyndum af henni var lekið á netið ekki alls fyrir löngu.

Tölvuþrjótar brutust inn í tölvu Kendrick fyrr á þessu ári og stálu nektarmyndum af henni. Myndunum var svo lekið á netið og var það mikið sjokk fyrir Kendrick eins og gefur að skilja. Kendrick lítur á björtu hliðarnar og segir lekann hafa vakið fólk til umhugsunar.

„Það gleður mig að fólk virðist vera að átta sig.“ Vegna þess hve umfangsmikill lekinn var neyddist fólk til að hugsa um þessi mál að sögn Kendrick. Hún telur umræðuna hafa vakið athygli á því að fórnarlömbin eiga aldrei sökina í málum sem þessum.

Ljósmyndum Kendrick var lekið ásamt myndum af m.a. Kate Upton og Jennifer Lawrens. Mikil umræða myndaðist í kjölfar lekans og hafa ótal stjörnur stigið fram og lýst yfir stuðningi sínum við fórnarlömb töluþrjótanna.

Tengdar fréttir

Nektarmyndum lekið

Dæmdur fyrir nektarmyndastuld

• Húsleit vegna nektarmynda
• Ekki hneyksli heldur kynferðisbrot
• Lawrence valdi að vera ber
• Hlakkar til að sjá sínar myndir á netinu

» Fleiri tengdar fréttir

• Blogga um frétt