Jólin komu snemma hjá yngstu kynslóðinni í Everland skemmtigarðinum í suðurkóresku borginni Yongin því á dögunum ákváðu starfsmenn að halda sérstakt jólaball þeim til heiðurs. Var ballið haldið til þess að fagna fyrstu jólum tígrisunga og ljónsunga. Fengu ungarnir af því tilefni forláta jólasveinahúfur sem þeir báru í veislunni.
„Þeir fengu meira að segja leikföng að gjöf,“ sagði Kim Jin-mok, starfsmaður skemmtigarðsins, sem skipulagði jólaballið. Þá voru búr unganna einnig prýdd jólaskrauti.