Vill banna snjókarla af trúarlegum ástæðum

Virtur fræðimaður í Sádi-Arabíu, Mohammad Saleh Al Minjed, hefur lýst því yfir að það samrýmist ekki íslam að byggja snjókarla eða ísstyttur þar sem hermt sé eftir útliti dýra samkvæmt fréttavef breska dagblaðsins Daily Telegraph. Heimilt sé þó að hans mati að byggja snjókarla og ísstyttur ef um er að ræða hluti sem ekki eru lifandi.

„Það er ekki heimilt að búa til styttu úr snjó, ekki einu sinni til að leika sér og til gamans,“ er haft eftir honum í fréttinni. Hins vegar mætti búa til snjókarla í formi trjáa, skipa, ávaxta, bygginga o.s.frv. Hefur hann sent frá sér tilskipun, eða svokallaða fatwa, þessa efnis sem hefur ákveðið lagalegt gildi í landinu. Ekki er algengt að snjór falli í Sádi-Arabíu en hins vegar hafa snjóstormar átt sér stað í landinu í þessum mánuði.

• 1 blogg um fréttina

Bloggað um fréttina

• Pétur Arnar Kristinsson: Ætli það megi byggja sandkastala, þarna?