Skírnarathöfn Karlottu prinsessu hefst klukkan hálfsex að íslenskum tíma, en breska konungsfjölskyldan býr sig nú undir skírn Karlottu prinsessu. Skírnin verður annað tækifæri almennings til að berja kornabarnið konunglega augum.

Lögreglan í Sandringham í Norfolk, þar sem athöfnin fer fram, á von á að margir velunnarar konungsfjölskyldunnar úr röðum almennings muni safnast við kirkju heilagrar Maríu Magdalenu, og hvetur fólk því til að mæta snemma.

Kirkjan hefur töluverða þýðingu fyrir bresku konungsfjölskylduna, því fjölskyldan kemur saman í henni á jóladag, auk þess sem Díana heitin prinsessa var skírð þar.

Eins og gengur bregðast börn mismunandi við því þegar þau fá yfir sig það sem þau hljóta að upplifa sem ekkert annað en kalda vatnsgusu, jafnvel þótt um vígt vatn úr ánni Jórdan sé að ræða.

Langamma Karlottu, sjálf Elísabet drottning, brást svo ókvæða við eigin skírn árið 1926 að barnfóstra hennar greip til þess ráðs að gefa henni róandi mixtúru.

Karlotta verður skírð með vatni úr ánni Jórdan sem var sérstaklega sótt með flugi fyrir athöfnina. Athöfnin sjálf verður lokuð almenningi en aðdáendur konungsfjölskyldunnar munu fá stæði utan við kirkjuna og geta barið hana augum á leið inn og út úr kirkjunni.

Skírnarfonturinn sem notaður verður við athöfnina er mikill silfurgripur, sem er að jafnaði til sýnis ásamt öðrum krúnudjásnum í Tower of London.

Katrín, Georg og Vilhjálmur á góðri stundu. AFP

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt