„Ég ætla að snúa aftur og lifa lífinu“
Setja bókamerki
Rokkhljómsveitin Eagles of Death Metal vilja vera fyrsta sveitin til að stíga á stokk þegar hljómleikastaðurinn Bataclan opnar dyr sínar á nýjan leik, samkvæmt frétt Contactmusic.
Tónleikar sveitarinnar voru hálfnaðir þegar vígamenn réðust inn og hófu skothríð á tónleikagesti þann 13. september síðastliðinn. Alls 130 manns létu lífið í árásunum á París, þar af 89 á tónleikastaðnum sjálfum. Fjöldi manns særðist.
„Ég vil ekki eyða lífi mínu í að reyna að friða einhverja fávita. Ég vil lifa lífinu brosandi, ég vil skemmta mér með vinum mínum“ sagði söngvari hljómsveitarinnar í sjónvarpsviðtali.
„Ég get ekki beðið eftir því að fara aftur til Parísar. Ég get ekki beðið eftir því að spila. Mig langar að snúa aftur. Ég vil að við verðum fyrsta sveitin til að spila þegar Bataclan opnar aftur.“
„Ég var þar þegar staðurinn þagnaði um stundarsakir. Vinir okkar fóru þangað og týndu lífinu. Ég ætla að snúa aftur og lifa lífinu.“
Frétt mbl.is: EODM lýsa árásinni á Bataclan
„Það er verið að slátra íslenskum heimilum“
Vill ekki „aumingjalegar“ lækkanir á röngum tíma
Hættu við vopnasendingu til Ísraels
Þrefalt stærra en gosin í desember og janúar
„Hætta á því að það dragi úr samstöðunni“
Erfiðar viðræður að baki