Óttinn varð að veruleika

Söngvarinn Chris Martin, sem tróð upp á Super Bowl um helgina, greindi frá því að hann hefði leitað ráða hjá 11 ára dóttur sinni, Apple, nokkru fyrir viðburðinn.

Að sögn kveið Martin viðburðinum svolítið, enda er hann einn vinsælasti sjónvarpsviðburður ársins í Bandaríkjunum. Dóttirin var þó fljót að stappa í söngvarann stálinu og sagði að það versta sem gæti gerst væri að fólk byggi til svokölluð „meme“ þar sem gert væri grín að frammistöðu hans.

Stúlkan virðist hafa hitt naglann á höfuðið, enda fór fljótlega að bera á gamansömum myndum á samfélagsmiðlum þar sem óspart var gert grín að Martin.

Frétt mbl.is: Drottningin stal senunni