Vilhjálmur prins sat fyrir á forsíðu tímaritsins Attitude, sem fjallar um málefni hinsegin fólks. Í viðtali, sem einnig birtist í blaðinu, segir hann engan eiga að þurfa að þola ofsóknir vegna kynhneigðar sinnar.

Fyrr á árinu bauð hann aðstandendum tímaritsins á fund í Kensington-höll þar sem gestirnir deildu reynslu sinni af einelti og hvaða áhrif það hefur haft á andlega líðan þeirra.  

„Unga hinsegin fólkið sem ég hitti í gegnum Attitude er sannarlega hugrakkt fyrir að láta í sér heyra og gefa þeim sem þurfa að þola hræðilegt einelti von. Styrkur þeirra og bjartsýni ætti að vera okkur öllum hvatning til að bjóða einelti byrginn, hvar svo sem við verðum vitni að því.“

Prinsinn hvatti einnig þá sem þurfa að þola áreiti sökum kynhneigðar sinnar að standa fast á sínu, í stað þess að láta það yfir sig ganga.

„Þið ættuð að vera stolt yfir því hver þið eruð, þið hafið ekkert að skammast ykkar fyrir.“

Tengdar fréttir

Kóngafólk

Katrín snúin aftur til starfa

• Meghan Markle var klippt út af afmælismynd
• Sonur krónprinsessunnar handtekinn aftur
• Harry prins verður fertugur um helgina
• Katrín hefur lokið við lyfjameðferð vegna krabbameins

» Fleiri tengdar fréttir

• Blogga um frétt