Halda Eurovision í Liverpool
Setja bókamerki
Eurovision, söngvakeppni Sambands evrópskra sjónvarpsstöðva, verður haldin í Liverpool-borg árið 2023.
Frá þessu var greint nú í kvöld.
Aldarfjórðungur er síðan söngvakeppnin var haldin í Bretlandi.
Eins og frægt er þá vann Úkraína söngvakeppnina í vor, en sökum innrásar Rússa var ekki talið óhætt að halda keppnina þar. Bretland lenti í öðru sæti og var því ákveðið að halda keppnina þar.
Himinlifandi með valið
Valið stóð á milli Glasgow og Liverpool, en að lokum varð Bítlaborgin fyrir valinu.
Veðmálabankar töldu líklegra að Glasgow yrði fyrir valinu, en nú má Liverpool búast við þúsundum ferðamanna og því að komast í heimskastljósið, en áætlað er að 160 milljónir manna horfi á næstu söngvakeppni.
Joanne Anderson, borgarstjóri Liverpool, er himinlifandi með valið og segir að nú hefjist margra mánaða vinna, en aðdáendur mega búast við besta partíi allra tíma. Hún heitir því einnig að gera Úkraínu stolta.
Áfram í haldi grunaður um manndráp
Fannst látinn í klefa á Litla-Hrauni
„Ég á mjög mikið inni“
Viðræðurnar á viðkvæmu stigi
„Greinlega allt á réttri leið“
Flytja 100 þúsund á brott frá Rafah
Eðlilegt að fjör sé að færast í leikinn