Tvær borgir keppa um að halda Eurovision

Liverpool og Glasgow berjast um að fá að halda Eurovision …
Liverpool og Glasgow berjast um að fá að halda Eurovision á næsta ári. Samsett mynd

Eurovision-söngvakeppnin mun annaðhvort fara fram í Liverpool eða Glasgow árið 2023. Þetta kemur fram í tilkynningu frá BBC.

Í júlí kom fram að Bretland myndi halda keppnina fyrir Úkraínu sem vann keppnina í ár, en ástæðan er innrás Rússlands í Úkraínu. Samband evrópskra sjónvarpsstöðva (EBU) mat það svo að ekki væri hægt að tryggja öryggi á keppninni yrði hún haldin þar, en það var EBU sem tók ákvörðunina ásamt ríkissjónvarpi Úkraínu.

Sam Ryder keppti fyrir hönd Bretlands í Eurovision í ár, …
Sam Ryder keppti fyrir hönd Bretlands í Eurovision í ár, en hann lenti í öðru sæti. AFP

Liverpool og Glasgow bestu kostirnir

Bretland lenti í öðru sæti í keppninni í ár og í ágúst var tilkynnt að sjö borgir í Bretlandi myndu keppa um að halda keppnina. Eftir ítarlegt matsferli stendur valið nú á milli tveggja borga, Liverpool og Glasgow. Endanleg ákvörðun verður tekin innan nokkurra vikna. 

„Við erum þess fullviss að þessar tvær borgir séu best í stakk búnar til að takast á við þessa áskorun og hlökkum til að halda áfram umræðum okkar og velja þá borg sem mun setja upp stærsta tónlistarviðburð heims í maí næstkomandi,“ sagði Martin Österdahl, framkvæmdastjóri Eurovision.

Hann segir söngvakeppnina flóknustu sjónvarpsframleiðslu í heimi enda séu sérstakar kröfur settar fram þar sem taka þurfi á móti gríðarlegu magni af fólki í tengslum við keppnina. 

mbl.is
síðasta vika Vinsælustu hljóðbækurnar
1
Sólveig Pálsdóttir
4
Ragnheiður Gestsdóttir
5
Guðrún frá Lundi

Stjörnuspá »

Hrútur

Sign icon Þú laðar að þér einstaklega ýtna manneskju í dag. Góðu fréttirnar eru þú veist hvernig þú átt að umgangast þannig fólk. Þú getur ekki orða bundist í kvöld.
síðasta vika Vinsælustu hljóðbækurnar
1
Sólveig Pálsdóttir
4
Ragnheiður Gestsdóttir
5
Guðrún frá Lundi

Stjörnuspá »

Hrútur

Sign icon Þú laðar að þér einstaklega ýtna manneskju í dag. Góðu fréttirnar eru þú veist hvernig þú átt að umgangast þannig fólk. Þú getur ekki orða bundist í kvöld.