Rafmagn fór af er rotta fékk raflost

Rafmagn fór af lestarstöðinni í miðborg Stokkhólms í þrjár klukkustundir í dag, en orsakarinnar var að leita í spennistöð þar sem feit rotta hafði fengið raflost. Rafmagnstruflanir urðu einnig á hótelum og verslunum í grenndinni, sagði talsmaður raforkufyrirtækisins Fortum.

Rafmagnsleysið varð snemma í morgun og hafði í för með sér nokkra röskun á lestarsamgöngum, sagði talsmaður Fortum ennfremur.

Rottan hafði komist inn í spennistöð og snert þar eitthvað sem olli skammhlaupi.

„Hún hlýtur að hafa verið mjög stór því að það er talsvert bil á milli hlutanna sem hún snerti,“ sagði talsmaðurinn.

• 5 blogg um fréttina

Bloggað um fréttina

• Bergur Thorberg: Það er ekkert gaman mál að þreifa sig áfram í …
• Ásgrímur Hartmannsson: Ein atferlisleg spurning
• Snorri Bergz: Þarf Bubbi að breyta textanum?
• Guðmundur M Ásgeirsson: Forgangsröð!
• Linda litla: Alveg rafmögnuð rotta.