Samgönguyfirvöld í Stokkhólmi í Svíþjóð krefjast þess að listaháskóli í borginni greiði borginni skaðabætur eftir að listanemi við skólann olli skemmdum á lestarvagni í nafni listarinnar.
Þau fara fram á að skólinn greiði 100.000 sænskar krónur (um 1,3 milljónir íslenskra kr.) í skaðabætur.
Farþegum í lestinni brá mikið þegar grímuklæddur maður spreyjaði á veggi inni í einum lestarvagninum. Hann braut svo rúðu og stökk út á næsta pall.
Atvikið var fest á filmu og var síðar sýnt sem hluti af lokaritgerð listanemanda við Konstfack listaháskólann.