Fundu barn í ruslakörfu

Ræstingafólk sem var að þrífa flugvél eftir lendingu á flugvellinum á Filippseyjum fann smábarn í ruslafötu á klósetti flugvélarinnar.

Starfsfólkið gerði læknum á flugvellinum strax viðvart. Barnið var flutt á sjúkrahús og reyndist það við góða heilsu. Það er núna í umsjón barnaverndaryfirvalda sem eru að reyna að hafa upp á foreldrum þess.

Flugvélin var að koma frá Bahrain og verið var að undirbúa vélina til að snúa til baka þegar barnið, drengur, fannst. Drengurinn litli hefur verið nefndur „Jorge Francis“.

• 3 blogg um fréttina

Bloggað um fréttina

• Halldóra Lára Ásgeirsdóttir: Fundu barn í ruslakörfu.
• Ragnar Birkir Bjarkarson: Barn skilið eftir í ruslatunnu
• Sigurður Haraldsson: Heimsk kona eða hrædd.