Hæddust að sjálfsvígsbréfi á Facebook

Bresk kona á fimmtugsaldri sem framdi sjálfsvíg á jóladag notaði samskiptasíðuna Facebook til að kveðja vini sína í hinsta sinn. Skilaboðin voru þessi: „Tók allar pillurnar mínar, bless bless“. Back svipti sig lífi nokkrum klukkustundum síðar.

Móðir Back segir í breskum fjölmiðlum í dag að hún sé afar vonsvikin með viðbrögð hinna rúmlega þúsund vina dóttur sinnar á Facebook. Enginn þeirra hafði samband við Back og reyndi að fá hana ofan af því að taka eigið líf. Móðirin fékk ekki veður af skilaboðum dóttur sinnar fyrr en mörgum klukkustundum eftir að þau birtust. Hún hringdi í lögregluna en það reyndist of seint.

Nokkrir vinir Back hæddust að skilaboðunum. Einn kallaði hana lygara og annar sagði að þetta væri hennar ákvörðun. Ekki er enn vitað hvenær Back lést og hvort hún hafi séð athugasemdir vinanna, en hún fannst látin í íbúð sinni í Brighton sautján klukkustundum eftir að skilaboðin birtust á síðunni.

• 2 blogg um fréttina

Bloggað um fréttina

• Mofi: To save a life
• Hörður Sigurðsson Diego: Fáfræði almennings.