Michele Alliot-Marie, varnarmálaráðherra Frakka segir að ef alþjóðlegt gæslulið í Líbanon eigi að verða skilvirkt verði það að hafa heimild til að beita vopnum. Alliot-Marie segir í viðtali við franska dagblaðið Le Monde að þörf sé á mjög stóru, og vel vopnuðu alþjóðlegu gæsluliði með vel skilgreindum markmiðum.

Þá gagnrýndi ráðherrann fyrri friðargæsluverkefni Sameinuðu þjóðanna, þ.á.m. UNIFIL liðið sem nú er í Líbanon, og sagði þau hafa verið of „tannlaus til að stemma stigu við ofbeldi”.

„Það er vegna þess að liðin hafa ekki leyfi til að beita vopnum sem friðargæslulið lenda ávallt í vandræðum”, segir Alliot-Marie í viðtalinu. Þá segir hún einnig að 10.000 manna lið, líkt og Kofi Annan, framkvæmdastjóri S.þ. hefur stungið upp á, yrði of fámennt. Segir í dagblaðinu að franskir hernaðarsérfræðingar áætli að þörf sé á fimmtán til tuttugu þúsund manna liði.

Frakkar bindast Líbönum sögulegum böndum, þeir réðu landinu frá lokum fyrri heimsstyrjaldar þar til Þjóðverjar hertóku Frakkland í þeirri seinni. Þeir hafa verið nefndir sem mögulegt forystuafl í alþjóðlegu friðargæsluliði í Líbanon.

Tengdar fréttir

Spenna í Miðausturlöndum

Haniyeh: „Sjálfstætt ríki Palestínu á svæðunum sem hernumin voru 1967"

• Aðgerðirnar í Nablus halda áfram
• Fjórir látnir eftir árás Ísraelshers á Ramallah
• Loka landamærum til að koma í veg fyrir peningaflutning inn á Gaza
• Siniora segir Hizbollah undirbúa valdarán

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Skýr markmið - Tannlaus friðargæsla