Tarja Halonen, forseti Finnlands, segist vera harmi slegin vegna skotárásarinnar sem varð í Finnlandi í dag, en 18 ára nemi skaut átta manns til bana í skólanum áður en hann reyndi að fremja sjálfsvíg.

„Í dag höfum við fengið hræðilegar og sorglegar fréttir um skotárás í skólanum í Tuusula Jokela. Ég votta fjölskyldum þeirra sem létust mína dýpstu samúð,“ sagði hún.

Að sögn lögreglu létust átta í skotárásinni. Fimm drengir og tvær stúlkur, sem eru jafnaldrar, og kona, sem var skólastjóri skólans. Þá segir hún að árásarmaðurinn hafi reynt að fremja sjálfsvíg með byssunni er hann miðaði á sitt eigið höfuð og tók í gikkinn. Hann liggur nú á sjúkrahúsi í Helsinki. Hann er í lífshættu.

Sjúkrabíll sést hér fyrir utan sjúkrahúsið í Helsinki þar sem árásarmaðurinn liggur lífshættulega særður. AP

Tengdar fréttir

Skotárás í finnskum skóla

Tengsl milli fjöldamorðanna

• Handtekinn eftir birtingu myndskeiðs á YouTube
• Finnskur lögreglumaður í veikindaleyfi
• Eldur borinn að fórnarlömbunum
• „Hann var bara venjulegur strákur“

» Fleiri tengdar fréttir

• 1 blogg um fréttina

Bloggað um fréttina

• Stefán Friðrik Stefánsson: Þjóðarsorg í Finnlandi - nöturlegur harmleikur