„Yfirþyrmandi“ magn matvæla á haugana

Ætla má að um 3,6 milljónir tonna af óskemmdum matvælum fari á haugana á ári hverju í Englandi og Wales, samkvæmt niðurstöðum nýrrar athugunar. Mest er það grænmeti, ávextir og brauð sem hent er, en 60% matvælanna sem fara á haugana eru ósnert.

Frá þessu greinir fréttavefur BBC. Rannsóknin var unnin á vegum WRAP, verkefnis sem kostað er af yfirvöldum í Englandi, Skotlandi, Wales og á Norður-Írlandi. Athugað var sorp frá 2.138 heimilum.

Joan Ruddock umhverfisráðherra sagði að niðurstöðurnar væru „yfirþyrmandi“ í ljósi matvælakreppunnar í heiminum. Neytendur greiði fyrir mat sem þeir hendi, þá þurfi einnig að greiða fyrir urðun, og í þriðja lagi verði umhverfisáhrif af framleiðslu, innpökkun, flutningi og kælingu á matvælum sem fari síðan beint á haugana.

• 5 blogg um fréttina

Bloggað um fréttina

• Guðrún Emilía Guðnadóttir: Því miður ekkert betra á Íslandi.
• Anna Ólafsdóttir Björnsson: Miklu meiri sóun en þessi - hvernig verður þessari þróun …
• Villi Asgeirsson: Matvælaverð í ESB
• Jónas Egilsson: Safnast saman ...
• Vésteinn Valgarðsson: Frá 2138 heimilum?