Gríðarstórt stöðuvatn hefur myndast í Sichuanhéraði í Kína eftir að jarðskjálftinn mikli reið þar yfir fyrir réttum hálfum mánuði. Vatnið myndaðist eftir jarðvegur gekk til og stíflaði á skammt frá bænum Beichuan en sá bær jafnaðist nánast við jörðu í jarðskjálftanum.

Mikil hætta er á að stöðuvatnið stækki enn til muna og fari yfir fleiri bæi. Nú hafa um 1800 hermenn flutt 10 kíló af sprengiefni hver á svæðið og á að reyna að sprengja skarð í stíflurnar sem mynduðust. Þegar hafa um 20 þúsund manns verið flutt á brott.

Stöðuvötn hafa myndast víðar í héraðinu eftir skjálftann en einnig er óttast að fjöldi stífla, sem reistar hafa verið til raforkuframleiðslu, bresti. Þannig sögðu stjórnvöld að skemmdir hefðu orðið á 69 stíflum og hætta sé á að þær hrynji. Þá eru yfir 300 aðrar stíflur taldar vera í hættu.

Tengdar fréttir

Jarðskjálfti í Kína

Jarðskjálfti í Sichuan-héraði

• Erfiðir tímar í Sichuan héraði
• Viðurkenna galla í skólabyggingum í Sichuan-héraði
• Enn skelfur jörð í Kína
• Lítið skjálftabarn kemur í heiminn

» Fleiri tengdar fréttir

• 1 blogg um fréttina

Bloggað um fréttina

• Guðjón Sigþór Jensson: Kínverskt skjálftavatn