Könnun sýnir Obama og McCain hnífjafna

Nýafstaðið landsþing Demókrataflokksins í Bandaríkjunum virðist ekki hafa gefið Barack Obama, forsetaframbjóðanda flokksins, aukinn byr í seglinn, ef marka má nýja skoðanakönnun sem CNN greinir frá. Hefur Obama aðeins eins prósentustigs forskot á keppinaut sinn.

Munurinn er innan skekkjumarka.

Könnunin var gerð um helgina, eftir ávarp Obamas á landsþinginu og eftir að John McCain, frambjóðandi repúblíkana, hafði kynnt varaforsetaefni sitt, Söru Palin.

Stjórnandi könnunarinnar segir að bæði ávarp Obamas og val McCains á Palin virðist hafa mælst vel fyrir meðal kjósenda, og kunni það að útskýra hvers vegna ekki mældist aukið fylgi Obamas eftir þingið, eins og oft hefur verið raunin eftir landsþing.

• 2 blogg um fréttina

Bloggað um fréttina

• Axel Jóhann Hallgrímsson: Vel heppnað val?
• Ómar Ingi: Á hvað er McCain að horfa ?