Talið að Bagger kunni að vera í Mið-Ameríku
Setja bókamerki
Enn hefur ekkert spurst til danska forstjórans Stein Bagger, sem lét sig hverfa í Dubai í síðustu viku með mörg hundruð milljónir danskra króna, sem hann hafði svikið út úr viðskiptavinum danska upplýsingatæknifélagsins IT-Factory. Hugsanlegt er talið að hann sé í Mið-Ameríku.
Jyllands-Posten segir í dag, að skjöl, sem fundist hafi á leyniskrifstofu Baggers í Gentofte, sýni að hann hafi opnað skrifstofu í Panama skömmu áður en hann hvarf. Þá hafi fundist upplýsingar um bankareikninga í Panama sem bendi til þess, að Bagger hafi stofnað þar fyrirtæki.
Mikið er fjallað í dönskum fjölmiðlum um hvarf Baggers og gjaldþrot IT-Factory í kjölfarið. Af nógu er að taka því Bagger virðist hafa byggt upp mikla svikamyllu í kringum fyrirtækið og tekist að blekkja nánustu samstarfsmenn og fjölskyldu sína.
Beint flug til Kína styrkir útflutning
Sundagöng koma einnig til greina
Aflýsir öllum ferðum og sendir liðsauka
Mengað jarðefni geymt á Sævarhöfða
Um 60 skjálftar – Landris heldur áfram
„Ég er forsetaframbjóðandi, ekki hommi í framboði“