Rice: Clinton verður frábær utanríkisráðherra

Condoleezza Rice, utanríkisráðherra Bandaríkjanna, spáði því í dag að Hillary Clinton, sem tekur við embættinu að óbreyttu í janúar, muni vinna gott starf í ráðuneytinu vegna þess að hún trúi á bandarísk gildi og elski land sitt.

Rice sagði, að Barack Obama, væntanlegur Bandaríkjaforseti, hafi valið vel þegar hann tilnefndi Clinton í embætti utanríkisráðherra. 

„Hún er frábær," sagði Rice í samtali við sjónvarpsstöðina ABC. „Ég hef þekkt hana lengi, allt frá því hún kom með dóttur sína í Stanfordháskóla þegar ég var námsstjóri þar. Ég held að hún verði frábær ráðherra."

• 1 blogg um fréttina

Bloggað um fréttina

• Vésteinn Valgarðsson: Elskar ekki bara sitt land