Obama á útopnu

Barack Obama Bandaríkjaforseti kom fram í hvorki fleiri né færri en fimm sjónvarpsviðtölum um helgina til að slá á áhyggjur kjósenda vegna fyrirhugaðra breytinga á heilbrigðiskerfinu. Forsetinn lagði mikla áherslu á viðtölin en hann þarf nú að snúa sér að allsherjarþingi Sameinuðu þjóðanna.

Meðal þess sem borið var undir Obama voru þau ummæli Mitch McConnell, formanns repúblikana í öldungadeildinni, að repúblikanar hefðu haft betur í deilunni um breytingatillögur demókrata í heilbrigðismálum.

Obama vísaði því á bug en viðurkenndi að það hefði reynst erfiðara að fá breytingatillögurnar samþykktar en hann hefði búist við.

Fjárlaganefnd öldungadeildarinnar kemur saman til fundar í vikunni til að ræða tillögurnar og þótti miklu varða fyrir forsetann að ræða við kjósendur um hugmyndirnar áður en hún kemur saman.

Barack Obama Bandaríkjaforseti. Reuters

• 2 blogg um fréttina

Bloggað um fréttina

• Hólmfríður Bjarnadóttir: Er USA að fá breytt heilbrigðiskerfi
• Ómar Ragnarsson: Man eftir hinu beina sambandi.