Íbúar á Norðurlöndum sameinuðust í þögn í eina mínútu nú klukkan 10 þar sem fórnarlamba fjöldamorðingjans, Anders Behring Breivik, var minnst. Yfir 90 létust í árásunum.

Forsætisráðherra Noregs og norska konungsfjölskyldan tóku þátt í minningarathöfn í Háskólanum í Ósló og er alls staðar flaggað í hálfa stöng.

Þúsundir komu saman fyrir utan háskólann þar sem bæði Jens Stoltenberg og Haraldur Noregskonungur rituðu nöfn sín minningarbók vegna atburðanna á föstudag.

Meðal þeirra sem tóku þátt í þagnarstundinni voru starfsmenn Evrópusambandsins. Á daglegum blaðamannafundi framkvæmdastjórnar ESB bað Maria Damanaki, sem fer með sjávarútvegsmál hjá framkvæmdastjórninni, viðstadda að taka þátt í minningarstundinni.

Breivik mætir fyrir dómara klukkan 11 og þar verður krafist átta vikna gæsluvarðhalds yfir honum. Jafnframt fer ríkissaksóknari fram á að réttarhöldin verði lokuð en Breivik hefur farið fram á að þau fari fram fyrir opnum tjöldum.

Norska þjóðin er harmi slegin vegna fjöldamorðanna Reuters

Norðmenn minntust fórnarlambanna með einnar mínútu þögn að hádegi þar í landi Reuters

Tengdar fréttir

Fjöldamorðið í Útey/Anders Behring Breivik

Breivik tapaði máli gegn ríkinu

• „Enn hættulegasti maður Noregs“
• Notar geðlyf til að komast í gegnum daginn
• Breivik reynir aftur að losna úr einangrun
• Beiðni Breiviks um reynslulausn hafnað

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Hallgrímsson: Ófreskjan frá Utøya vill fá að halda áfram sínum óhæfuverkum