Breivik þjálfaði miðið í tölvuleikjum

Réttarhöldin yfir Anders Behring Breivik halda nú áfram í Ósló og er þetta þriðji dagurinn sem hann er sjálfur yfirheyrður í vitnastúkunni.. Breivik sagðist í morgun telja að hann hefði þjálfast í því að miða byssu með því að spila tölvuleikinn Modern Warfare. Saksóknara mislíkaði að Breivik brosti þegar hann talaði um „þjálfunina“.

„Hér sitja eftirlifendur sem misstu ástvini á Útey, hvernig heldur þú að þeim líði þegar þú talar um að þjálfa þig í miði,“ sagði saksóknarinn Svein Holden við Breivik í réttarsalnum. Breivik svaraði að líklega finndu þau fyrir viðbjóði. Að sögn NRK.no kom Breivik því einnig á framfæri í morgun að hann væri ósáttur við spurningarnar sem hann fengi, en Holden tók það skýrt fram að hann hefði ekkert um það að segja hvers hann yrði spurður.

Gaf sjálfum sér „hvíldarár“ fyrir píslarvættið

Fram hefur komið að á tæplega árs tímabili frá 2006 til 2007 bjó Breivik heima hjá móður sinni í Ósló og gerði nánast ekkert annað en að spila tölvuleikinn World of Warcraft. Breivik kallaði þetta tímabil í lífi sínu „hvíldarár“, gjöf sem hann færði sjálfum sér fyrir að gerast píslarvottur. Hann sagðist þegar á þeim tíma hafa ákveðið að framkvæma ofbeldisverk.

Aðspurður í morgun hvers vegna hann eyddi öllum þessum tíma í tölvuleikjaspil sagði hann að World of Warcraft hafi fyrst og fremst verið áhugamál. Hinsvegar hafi hann spilað tölvuleikinn Modern Warfare til þess að æfa sig fyrir morðin á Útey. 

Tölvuleikurinn sé stríðshermir og þar hafi hann getað þjálfað sig í að miða á skotmark á hreyfingu, lifandi fólk. Hann sagði að tölvuleikurinn væri hannaður þannig að hver sem er gæti notað hann, hvaða amma sem er gæti orðið leyniskytta með því að spila leikinn.

Saksóknara mislíkaði að Anders Behring Breivik skyldi brosa þegar hann lýsti því hvernig hann þjálfaði ...

Saksóknara mislíkaði að Anders Behring Breivik skyldi brosa þegar hann lýsti því hvernig hann þjálfaði sig í að miða byssu með því að spila tölvuleiki. Reuters

  • Til baka
  • Blogga um frétt
  • Senda

Bloggað um fréttina

Loka
YRSA, veglegt og mjög vandað armbandsúr.
YRSA Reykjavík er sjálfvinda með 2ja ára ábyrgð á frábæru verði, 48.700,- Jólag...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
NÝJUNG Í SÝNINGAKERFUM
Samskipti - prentlausnir fyrir skapandi fólk...
Laus íbúð um jólin..."Eyjasol ehf.
Eigum lausa daga í íbúðum í Reykjavik fyrir erlenda og íslenska ferðamenn. Rúm ...
 
Glitnir
Félagsstarf
l GLITNIR 6014121719 I Jf. ...
Aðalfundur
Fundir - mannfagnaðir
Fundarboð Aðalfundur Sj...
Aðalskipulag
Tilboð - útboð
GRUNDARGÖTU 30, 350 GRUNDARFIRÐI SÍMI: 4...
Félagslíf
Staður og stund
Aflagrandi 40 Fastir liðir eru eins ...