Bandaríkin staðfesta efnavopn í Sýrlandi

Hermenn stjórnarhersins í húsarústum þorpsins Dahret Abed Rabbo nærri Aleppo.
Hermenn stjórnarhersins í húsarústum þorpsins Dahret Abed Rabbo nærri Aleppo. -

Sýrlenski herinn, undir stjórn Bashar al-Assad Sýrlandsforseta, hefur notað efnavopn gegn uppreisnarmönnum í landinu. Þetta fullyrti Hvíta húsið í Bandaríkjunum í kvöld. Áður hafa bandarísk stjórnvöld gefið út að þau telji að með notkun efnavopna verði „farið yfir strikið“.

BBC hefur eftir Ben Rhodes, hátt settum aðstoðarmanni Barack Obama, að efnavopnin hafi verið notuð að takmörkuðu leyti, en Bandaríkjastjórn telur þó að um 100-150 manns hafi látið lífið í röð efnavopnaárása.

Fyrr í dag sögðu Sameinuðu þjóðirnar frá því að fjöldi látinna í átökunum í Sýrlandi sé kominn yfir 93.000 manns.

Rhodes segir að Bandaríkjaforseti hafi ákveðið að styðja enn frekar við uppreisnarmenn í Sýrlandi, þ.á.m. með ótilgreindri hernaðarlegri aðstoð sem hann vildi ekki upplýsa frekar um, að sögn BBC, að öðru leyti en því að aðstoðin yrði „á öðru formi og skala en það sem við höfum hingað til gert.“

Hann ítrekaði jafnframt að Bandaríkjaforseti hafi ekki dregið dul á það að með notkun efnavopna væri farið yfir strikið í huga Bandaríkjanna. „Forsetinn hefur sagt að notkun efnavopna myndi breyta hans nálgun, og það hefur hún nú gert.“

Sýrlenskir uppreisnarmenn í bænum Maaret al-Numan.
Sýrlenskir uppreisnarmenn í bænum Maaret al-Numan. AFP
mbl.is

Bloggað um fréttina

Frá Sýrlandi til Evrópu - Greinaflokkur

www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
Sendibílaþjónustan Skutla. Sími 867-1234
Tökum að okkur allrahanda sendibílaþjónustu á sanngjörnu verði. Sjá nánar á www....
 
Aðalfundur
Fundir - mannfagnaðir
Aðalfundur Aðalfundur Vör...
Framhald uppboðs
Nauðungarsala
Uppboð Einnig birt á www.naudungarsolu...
Aflaheimildir
Tilkynningar
Auglýsing eftir umsóknum um afla...
Félagsstarf
Staður og stund
Aflagrandi 40 Opin vinnustofa kl 9 og gö...