Þriggja ára stúlka lést í árás á Gasa

Ísraelskar herþotur gerðu í dag loftárásir á miðstöð Hamas á Gasa-svæðinu. A.m.k. ein palestínsk stúlka féll í árásinni.  Loftárásirnar eru gerðar í kjölfar þess að Ísraelsmaður lést í dag af skotsárum eftir að leyniskytta skaut á hann.

Stúlkan sem lést var þriggja ára gömul. Móðir hennar og tveir bræður hennar særðust í árásinni.

Benjamin Netanyahu sagði fyrr í dag að Ísraelsmenn myndu bregðast hart við árásinni á hermanninn.

Skærur á landamærum Ísraels og Gaza hafa verið tíðar að undanförnu. Á föstudaginn skutu hermenn frá Ísrael 22 ára gamall Palestínumann til bana.

• 2 blogg um fréttina

Bloggað um fréttina

• Óskar: Ísraelskt jólagóðverk
• Jónatan Karlsson: Jólin 2013 á Gasa