Meira en helmingur íbúa Malasíu telja að ríkisstjórn landsins haldi eftir upplýsingum um týndu farþegaflugvélina. Þetta kemur fram í niðurstöðum könnunar sem birt var í dag.

54% telja að ríkisstjórnin hafi ekki verið opinská um hvarf farþegavélarinnar. 1.000 íbúar landsins voru spurðir í könnuninni. Um 26% sögðu að ríkisstjórnin hefði sagt satt og rétt frá en 20% voru ekki viss.

Leit stendur enn yfir að farþegavélinni, 38 dögum eftir að hún hvarf af ratsjám á leið sinni frá Kulala Lumpur í Malasíu til Peking í Kína. Talið er að hún hafi brotlent í Indlandshafi.

Yfirvöld í Malasíu hafa ítrekað sagt að þau hafi ekkert að fela en þurfi aftur á móti að fara varlega í yfirlýsingar um stöðu mála.

Könnunin fór fram dagana 24. – 30. mars sl. 

Tengdar fréttir

Malasískrar farþegaþotu saknað

„Mér er sama um peningana“

• Reiðir ættingjar gengu út
• „Getum ekki leitað að eilífu“
• Leit hætt án árangurs
• Leit að MH370 hætt í næstu viku

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Ótrúverðugar skýringar flugmálayfirvalda