Bindur vonir við fleiri vopnahlé
Setja bókamerki
John Kerry, utanríkisráðherra Bandaríkjanna, vinnur nú hörðum höndum að því að binda enda á blóðbaðið á Gaza-svæðinu. Að sögn embættismanns í bandaríska utanríkisráðuneytinu standa vonir Kerrys til þess að bæði ísraelsk stjórnvöld og samtökin Hamas samþykki fleiri tímabundin vopnahlé. Það myndi auðvelda viðræður á milli deiluaðilanna.
Benjamin Netanyahu, forsætisráðherra Ísraels, segir að Hamas hafi brotið gegn skilmálum vopnahlésins sem samtökin sjálf hafi boðað til
Í morgun féllust samtökin á beiðni Sameinuðu þjóðanna um að boða til eins sólarhrings vopnahlés af mannúðarástæðum á Vesturbakkanum. Liðsmenn úr röðum Hamas skutu flugskeytum á Ísrael í nótt en Ísraelsher svaraði árásunum með annarri atlögu.
Netanyahu segist ekki vilja fallast á vopnahlé og hefur sagt að árásum Ísraelshers á Gaza-svæðinu verði haldið áfram. Nokkrir hafa látið lífið í átökunum í dag.
Næstum þrjár vikur eru síðan her ísraelskra stjórnvalda hóf hernaðaraðgerðir sínar á Gaza-svæðinu. Tala látinna hefur farið ört hækkandi og er nú talið af yfir þúsund Palestínumenn hafi fallið í átökunum.
Gosopið gæti stækkað á ný: „Eitthvað í aðsigi“
Virknin færist í aukana innan 48 tíma
Ók á ofsahraða á móti umferð og uppi á stétt
Eru að vakta stöðuna í bólusetningum barna
Rothissa á vinnubrögðum forystu BÍ
Norskur lögreglumaður dæmdur
Laugavegur hjólaferðamannsins að fæðast