Kona fannst látin undir tré sem hafði fallið í óveðri í Kensington í Lundúnum í dag.
Mikill stormur geisar nú í Bretlandi er leifar fellibyljarins Gonzalo fara yfir landið. Lögreglan var kölluð á svæðið og við nánari athugun kom konan í ljós.
Í yfirlýsingu frá Scotland Yard segir að konan hafi verið látin er lögreglu bar að.
110 flugferðum hefur nú verið aflýst til og frá Heathrow-flugvelli rétt fyrir utan London.
Eins og fram kom í frétt mbl.is í morgun hefur óveðrið ekki haft áhrif á flug Icelandair til og frá Heathrow í dag.