Eftirskjálfti sem mældist 6,7 stig reið yfir Nepal í morgun. Göngufólk í grunnbúðum Everest fann vel fyrir skjálftanum og féllu fleiri snjóflóð í fjallinu.
Upptök skjálftans voru norðaustur af höfuðborginni Katmandú á um tíu kílómetra dýpi.
Klifrarinn Jim Davidsson, sem staddur er í fyrstu búðum (e. Camp 1) fjallsins segir skjálftann hafa verið stærsta eftirskjálftann til þessa.
„Hann var minni en upphaflegi skjálftinn en jökulinn hristist og snjóflóð féllu,“ tísti Davidson eftir skjálftann.