Að minnsta kosti þrjátíu manns létust í Norður-Kamerún í dag í tveimur sjálfsmorðsárásum. Fyrsta árásin átti sér stað stuttu fyrir hádegi á markaði í borginni Kerawa sem stendur við landamæri Kamerún og Nígeríu. Í kjölfarið var önnur árás framin í um 200 metra fjarlægð frá herbúðum.

Um fimmtíu manns létust á sama svæði í júlí í fimm sjálfsmorðsárásum sem tengdar voru við hryðjuverkasamtökin Boko Haram. Kamerún tekur þátt í alþjóðlegri herferð gegn samtökunum ásamt Nígeríu, Tsjad, Níger og Benin. Boko Haram hefur framið árásir á svæðinu reglulega síðustu tvö árin.

Tengdar fréttir

Boko Haram

Fjöldi hermanna drepinn í óvæntri árás

• Óvíst hvort leiðtogi Boko Haram hafi látist
• Boko Haram drepur tólf í árás á þorp
• 65 farast í skotárás á jarðarför
• 112 stúlkna enn saknað

» Fleiri tengdar fréttir

• Blogga um frétt