Hjónaband samkynhneigðra var formlega fest í lög Írlands í dag, fimm mánuðum eftir sögulega þjóðaratkvæðagreiðslu þar sem landið, sem hefur gegnum aldirnar verið kaþólskt, var fyrsta land heims til að samþykkja slíkt hjónaband í atkvæðagreiðslu.
Í yfirlýsingu frá skrifstofu forsetans sagði að með undirskriftinni í dag tæki hjónabandsfrumvarpið gildi og gerði samkynhneigðum pörum kleift að giftast í næsta mánuði.
62,1% Íra kusu með því að leyfa hjónabönd samkynhneigðra í maí. Lagalegar hindranir hafa síðan tafið að lögin tækju gildi, en í dag lauk því tímabili.
Frétt mbl.is: Samþykkja hjónaband samkynhneigðra