Verður grýtt til bana fyrir hjúskaparbrot

Stjórnvöld í Sri Lanka eru að reyna að fá dauðadómi yfir konu frá Sri Lanka í Sádi-Arabíu breytt en grýta á konuna til bana fyrir hjúskaparbrot. Maðurinn sem hún átti í ástarsambandi við verður hins vegar ekki tekinn af lífi heldur hefur hann verið dæmdur til þess að þola 100 svipuhögg.

Konan, sem starfar sem þerna í Sádi-Arbíu er 45 ára tveggja barna móðir og gift. Maðurinn er hins vegar ókvæntur sem hún átti í ástarsambandi við. Þau voru dæmd í ágúst. 

Íbúar í Sri Lanka fylgjast grannt með málinu og hafa einhverjir þingmenn óskað eftir því ða ríkisstjórnin banni konum í Sri Lanka að fara til Sádi-Arbíu í atvinnuleit.

• 1 blogg um fréttina

Bloggað um fréttina

• Páll Vilhjálmsson: Múslímskt réttlæti: grýtt til bana vegna framhjáhalds