Skotinn af lögreglu á rauðu ljósi
Setja bókamerki
Þeldökkur maður var skotinn til bana af lögreglunni í Minnesota í Bandaríkjunum er hann sat í bíl sínum á rauðu ljósi. Kærastan hans greindi frá því í beinni útsendingu á Facebook, skömmu eftir atvikið, að hann hafi ætlað að ná í ökuskírteinið sitt þegar hann var skotinn.
„Þið skutið hann fjórum skotum. Hann var bara að ná í ökuskírteinið sitt,“ sagði konan, sem er sögð heita Diamond Reynolds, að því er kom fram á BBC.
Maðurinn hét Philando Castile. Hann var 32 ára og lést af sárum sínum á sjúkrahúsi. Atvikið átti sér stað í Falcon Heights, sem er úthverfi St. Paul, höfuðborgar Minnesota. Þar sést Castile útataður í blóði sitja í bílnum við hlið kærustu sinnar eftir að hafa verið skotinn í höndina. Fyrir utan bílinn stendur lögreglumaður sem beinir byssu sinni að honum.
Castile hafði áður greint lögreglunni frá því að hann væri með byssuleyfi og að hann væri með byssu í fórum sínum. Bíllinn var stöðvaður vegna þess að afturljósið var brotið.
Stutt er síðan annar þeldökkur maður, Alton Sterling, var skotinn til bana af lögreglunni í Baton Rouge í bandaríska ríkinu Louisiana. Þar hafa mikil mótmæli átt sér stað.
Rétt er að vara við myndbandinu sem fylgir fréttinni:
Fjallabak, Sprengisandur og niður í Eyjafjörð
Sennilega gróðureldur, ekki ný sprunga
Ólíkt ákall fólks á landsbyggðinni
Fjöldi brota ríflega sexfaldaðist
Þetta eru hjólaframkvæmdirnar sem unnið er að
Tveggja mánaða flandur um Nýja-Sjáland
Breytingar á skipulagi fréttadeildar RÚV