Saksóknarar frá Ekvador og Svíþjóð munu yfirheyra Julian Assange hinn 17. október næstkomandi, í sendiráði Ekvador í Lundúnum. Yfirheyrslan verður framkvæmd af fulltrúa Ekvador en sænski yfirsaksóknarinn Ingrid Isgren og rannsóknarlögreglumaður verða viðstödd og mega spyrja spurninga í gegnum kollega sinn.

Í kjölfar yfirheyslunnar verður tekin saman skýrsla sem sænsk yfirvöld fá afhenta en þau munu í framhaldinu ákveða hvort tilefni er til að halda rannsókn á meintum brotum Assange áfram.

Assange hefur verið sakaður um nauðgun, sem á að hafa átt sér stað árið 2010. Hann hefur neitað ásökununum en hefst við í sendiráðinu til að forðast að verða afhentur sænskum yfirvöldum. Hann óttast að verða framseldur frá Svíþjóð til Bandaríkjanna, þar sem rannsókn stendur yfir á starfsemi uppljóstrunarsíðunnar Wikileaks.

Guardian sagði frá.

Tengdar fréttir

Wikileaks - Julian Assange

Þórhildur Sunna fagnar miklum áfangasigri

• Glöð að Assange sé frjáls þrátt fyrir ásökunina
• „Þarf tíma til að jafna sig“
• Assange lentur í Canberra
• Assange frjáls maður og er á heimleið

» Fleiri tengdar fréttir

• Blogga um frétt