„Merkel verður að víkja“
Setja bókamerki
„Farðu burt“ hrópuðu mótmælendur á Angelu Merkel kanslara Þýskalands þegar hún mætti til Dresden í gær. Mótmælendur létu ófriðlega og höfðu meðal annars ritað „Merkel verður að víkja“ á mótmælaspjöld. Um 2,600 lögreglumenn stóðu vaktina.
Í Dresden hefur verið mikill uppgangur and-íslömsku samtakanna Pegida en liðsmenn samtakanna hafa barist hatramlega gegn fjölgum flóttamanna í Þýskalandi. Þeir voru áberandi á meðal mótmælenda.
Merkel tekur þátt í hátíðarhöldum í Dresden í tilefni þess að 26 ár eru liðin frá sameiningu Þýskalands. Forseti Þýskalands, Joachim Gauck, tekur einnig þátt í hátíðarhöldum í Dresden. Hróp og köll voru einnig gerð þegar hann mætti.
Merkel er undir miklum þrýstingi eftir að hælisleitendum í landinu fjölgaði um 900,000 á síðasta ári.
Quang Le: „Ég gerði ekkert rangt“
Átta til tólf erlendir glæpahópar
Sýklalyfjaónæmi vaxandi vandamál
Enn langt í að rannsókn málsins ljúki
„Verða bara eins og „zombíar““
Einróma stuðningur við virkjanir
Erlendir fangar sendir til útlanda?