Justin Ross Harris hefur verið ákærður fyrir að hafa skilið 22 mánaða gamlan son sinn eftir í bifreið sinni, á meðan hann fór í vinnuna. Drengurinn var í bílnum í um sjö tíma, en hitinn þennan dag, 18. júní 2014, náði 31 stigi.
Frétt mbl.is: Skildi hann barnið eftir í bílnum viljandi?
Frétt mbl.is: Mætir fyrir dómara vegna sonarmorðsins
Frétt mbl.is: Sendi ungum stelpum kynferðisleg skilaboð
Fram kom við réttarhöld í málinu að Harris, frá Atlanta í Georgíu í Bandaríkjunum, sendi unglingsstúlku klámfengin skilaboð á meðan hann var í vinnunni og bað hana um að senda sér myndir af brjóstunum á sér.
Stúlkan, sem í dag er 19 ára, sendi mynd með textanum: „Ég er svakalega brennd.“ Þá svaraði Harris, 34 ára: „Yummy.“
Táningurinn sagði að Harris hefði svarað skilaboðum sínum á smáforritinu Whisper, þar sem hún talaði um að vilja eiga í sambandi líku því sem fjallað var um í Fifty Shades of Grey. Þau hefðu fyrst rætt saman á kynferðislegum nótum en hefðu stundum átt „venjuleg“ samtöl.
Harris ku hafa vitað hversu gömul stúlkan var.
Ákæruvaldið heldur því fram að Harris hafi skilið son sinn vísvitandi eftir í bílnum þar sem hann vildi sleppa frá þeirri ábyrgð að vera eiginmaður og faðir. Verjendur hans segja hins vegar að hann hafi einfaldlega gleymt að fara með hann í dagvistun.
Auk morðákærunnar hefur Harris verið ákærður fyrir að senda klámfengin skilaboð til stúlkunnar og mynd af kynfærum sínum.