Forseti Filippseyja, Rodrigo Duterte, hefur hótað því að henda spilltum embættismönnum úr þyrlu og heldur því einnig fram að það væri ekki í fyrsta skipti sem slíkt gerðist.

„Ef þú ert spilltur þá mun ég ná í þig í þyrlu og mun henda þér út á leiðinni til Manila,“ sagði Duterte í ræðu sem hann hélt í norðurhluta Filippseyja í gær. Hann sagði einnig frá því hvernig hann hafði hent meintum ræningja úr þyrlu þegar Duterte var borgarstjóri í Davao.

„Ég hef gert þetta áður, af hverju ætti ég ekki að gera það aftur?“ bætti Duterte við.

Áður hafði komið fram í frétt AFP að Duterte hefði lagt ríka áherslu á að dauðarefsing yrði tekin upp að nýju í blóðugu stríði hans gegn glæpa­mönn­um sem kost­að hef­ur um 5.300 manns lífið síðan Duterte tók við sem forseti landsins síðasta sumar.

Tengdar fréttir

Duterte og fíkniefnastríð á Filippseyjum

Skýrslan sýni brýna þörf á alþjóðlegri rannsókn

• Reynt að þagga niður í Ressa
• Mannréttindi fótum troðin á Filippseyjum
• Skjótið vandræðagemsana
• „Handtakið tíkina“

» Fleiri tengdar fréttir

• Blogga um frétt