Hollendingar í Tyrklandi fá viðvörun
Setja bókamerki
Hollensk stjórnvöld hafa sent frá sér ferðaviðvörun til allra hollenskra borgara í Tyrklandi og hvetja þá til að fara varlega á meðan deila landanna tveggja stendur yfir.
„Frá 11. mars 2017 hefur verið spenna í stjórnmálasambandi Tyrklands og Hollands. Verið á varðbergi víðsvegar um Tyrkland og forðist samkomur og fjölfarna staði,“ sagði í tilkynningu frá hollenska utanríkisráðuneytinu.
Recep Tayyip Erdoğan, forseti Tyrklands, hefur hótað Hollendingum því að þeir verði látnir gjalda fyrir að hafa vísað tyrkneskum ráðherra úr landi og að hafa synjað öðrum ráðherra um lendingarleyfi.
Deilur Hollendinga og Tyrkja eru þær alvarlegustu sem upp hafa komið eftir að tyrknesk yfirvöld reyndu að fá að standa fyrir útifundum í nokkrum borgum ríka Evrópusambandsins. Meðal annars var þeim neitað um að halda slíka fundi í Þýskalandi af nokkrum borgarstjórum af ótta við óeirðir.
Tyrkir ganga að kjörborðinu 16. apríl um hvort veita eigi forseta landsins enn meiri völd.
Mikill útflutningur frá Vestfjörðum
Of margir nemendur og ákall um hæft starfsfólk
Eina leiðin var að fella björninn
Búið að fella björninn
Tveir í haldi grunaðir um mansal og smygl á fólki
Maðurinn sem leitað var að fannst látinn
Komu saman á kyrrðar- og bænastund