Sýktur fiskur og heitt kjöt
Setja bókamerki
Heilbrigðisyfirvöld í Flórída hafa veitt Mar-a-Lago, sveitaklúbbi Donalds Trumps Bandaríkjaforseta, nokkrar viðvaranir vegna alvarlegra brota tengdra matvælaöryggi.
Í janúar sl., nokkrum dögum áður en Trump tók á móti Shinzo Abe, forsætisráðherra Japans, á staðnum komust eftirlitsmenn að því að gestum hafði verið boðinn hrár fiskur, mögulega sýktur af sníkjudýrum, og þá reyndist kjöt hafa verið geymt í biluðum kælum við of háan hita.
Tíu önnur brot þóttu ekki jafn alvarleg en meðal þeirra voru ryðgaðar hillur í kæligeymslu og sú staðreynd að starfsmenn gátu ekki haldið höndunum nægilega hreinum vegna skorts á heitu vatni í vöskum.
Brotunum er lýst í skýrslu á vegum viðskipta- og eftirlitsyfirvalda í Flórída en það var Miami Herald sem ljóstraði upp um hana. Samkvæmt skýrslunni var umsvifalaust bætt úr nær öllum atriðum sem þóttu ekki í lagi.
Trump mun dvelja í Mar-a-Lago yfir páskahátíðina.
Ítarlega frétt um málið má finna hjá Guardian.
Mældist á 174 km hraða í gegnum vinnusvæði
„Farnir að halda verðbólgunni uppi“
Kerfið streitist á móti
Vill ekki „aumingjalegar“ lækkanir á röngum tíma
Verðbólgan þrálátari en gert hafði verið ráð fyrir
„Það er verið að slátra íslenskum heimilum“
„Hætta á því að það dragi úr samstöðunni“